Baptism Day (Iban Version)

Kena 16hb May sarinya bisi baptisa ke bala anak mit ba Gereja Catholic St. Anthony. Nyadi Damian laban ke bedau agik di basu pala nya meh Mommy & Daddy Damian alu enggau orang kursus ibubapa (parenting course). Sebedau anak baptisa sigi wajib ga bala apai indai anak mit enggau course nya.

Kasih meh tudah anak mama tok, umur 2 tahun baru dibaptisa. hee..hee..hee.. Ketegal pia laban ke Mommy & Daddy ia baru di sabung jadi nitih atur gereja kena bulan February sarinya. Ia ga parents ia enggau orang belajar RCIA bepun ari bulan June tahun nyin kemari ketegal mommy ia ari gereja bukai. Nya meh kabuah Damian laun dibaptisa.

Nyadi bisi cerita ga bakani kami bulih nama Damian. Masa Damian baru ada suba dia meh Daddy ia alu message agai aku laban ke aku agi gawa di KL masanya. Aku alu suggest nama Damian ga laban ke nama nya ga pansut ba pikir aku masanya. And at the same time, kakak aku pun ngiga ba buku nama bala Saint dia ia tepeda ke St Damian tok lahir kena 12hb April. Lalu kakak aku pun suggest nama nya mega. Kebetulan amat ga ko Daddy ia laban we both choose the same name. Arap meh Damian tu ila baka Saint Damian ga.

More info about Saint Damian

Excited Damian masa tu ko Mommy ia.

Mula-mula God Father ia mai ia ke depan, senyum-senyum ia. Sekali ia tepeda ke Mommy ia menung ka ngambi gambar ia alu meh tudah nyabak baka nama. Terpaksa meh betukar, nyau Mommy ia ngulu ke Damian, God Father ia merati aja. hee..hee..hee.. Maioh ulah Damian tu.

Peh! Gamal Damian udah badu nyabak.

Damian with his God Father, Uncle Boniface. God Father Damian sama kerja enggau Daddy ia, Bidayuh ari Kuching. Manah amat enda ia takut ke Uncle ia.

Udah tembu pengawa baptisa sidak ia alu pulai ke rumah panjai udah ngalih tengah hari. Alu manggang ikan, manuk, janik sidak ia din. Aku enda enggau orang laban ke kerja apus ari. Almaklumlah cuti dah habis terpaksa ngiga in lieu. hee..hee..